Zgjidhja e ushtrimit 10

Jo, sepse, si fillim, bashkësia e zgjidhjes që ka dhënë Xhemi mund të thuhet thjesht $x \geq -7$. Dhe po të marrim një vlerë nga kjo bashkësi, përshembull $x=0$, atëherë inekuacioni ynë fillestar del i pavërtetë, $x^2 \geq 49 \rArr 0\geq 49$. Ja si do ishte zgjidhja: $x^2-49 \geq 0 \rArr (x-7)(x+7)\geq 0$. Pikat ku ndryshon shenja do ishin $(x-7)(x+7)=0 \rArr x-7=0 \rArr x=7$ dhe $x+7=0 \rArr x=-7$. Nëse marrim vlera nga $x<-7$, si përshembull $x=-8$, atëherë inekuacioni ynë fillestar bëhet i vërtetë, $x^2\geq 49 \rArr (-8)^2 \geq 49 \rArr 64 \geq 49$. Nëse marrim vlera nga $x>7$, si përshembull $x=8$, atëherë inekuacioni ynë fillestar bëhet sërish i vërtetë, $x^2 \geq 49 \rArr 8^2 \geq 49 \rArr 64 \geq 49$. Po të marrim vlera nga $x>-7$ dhe $x<7$, si përshembull $x=0$, atëherë inekuacioni do bëhej i pavërtetë (siç e gjetëm më sipër). Skajet përfshihen në zgjidhje, ndaj themi se zgjidhje e inekuacionit do ishte $x \leq -7$ dhe $x\geq 7$.