Zgjidhja e ushtrimit 1

Ora e rrumbullakët do kishte $360\degree$ në dispozicion. Nëse e ndajmë atë në minuta të barabarta, atëherë do kishim 60 ndarje, pasi një rrotullim i plotë i akrepit të minutave formon një orë, kështu që mund të themi se një ndarje e një minute formon një kënd me masë $360\degree \div 60 = 6\degree$. Nëse akrepi i orëve është te numri 7 dhe ai i minutave te numri 1 (që tregon 5 minuta), atëherë të dyja do kishin një distancë prej $(7-1) \times 5 = 30$ ndarjesh, që e thënë me masë këndi do ishte $30 \times 6\degree = 180\degree$. Por, meqë akrepi i minutave ka ecur 5 minuta (ose $5 \times 6\degree = 30\degree$ nga numri 12), atëherë dhe akrepi i orës do ketë ecur pak më tepër duke ju afruar orës 8. Meqë një ndarje ore e ka masën $30\degree$, atëherë 5 minuta në një orë do formonin raportin $\dfrac{5}{60}=\dfrac{1}{12}$, kështu që akrepi i orës do kishte ecur dhe $\dfrac{1}{12} \times 30\degree = 2.5\degree$. Këndi midis akrepit të orës dhe atij të minutave do e kishte masën $180\degree + 2.5\degree = 182.5\degree$. Ose, nëse do merrnin anën e kundërt, do kishim masën $360\degree - 182.5\degree = 177.5\degree$.