Zgjidhja e ushtrimit 7

Vëllimi i piramidës gjendet duke shumëzuar syprinën e bazës së saj me lartësinë dhe rezultatin e pjesëton me tre. Për të dyja piramidat ne e kemi lartësinë e dhënë, ndërsa syprina e bazës së tyre është një katror me brinjë $x$. Syprina e bazës së secilës piramidë do ishte $S_B = x^2$. Vëllimi i piramidës lart do ishte $V_1 = \dfrac{1}{3} \times x^2 \times 16 = \dfrac{16x^2}{3}$ mm³, ndërsa e piramidës me kokë poshtë do ishte $V_2 = \dfrac{1}{3} \times x^2 \times 20 = \dfrac{20x^2}{3}$ mm³.

Shuma e dy vëllimeve do jepte vëllimin e përgjithshëm të trupit tonë (2700 mm³), ndaj kryejmë veprimet për të gjetur vlerën e $x$, $V=V_1 + V_2$ $\rArr$ $2700 = \dfrac{16x^2}{3} + \dfrac{20x^2}{3}$ $\rArr$ $2700 = \dfrac{36x^2}{3}$ $\rArr$ $36x^2 = 2700 \times 3$ $\rArr$ $x^2 = \dfrac{2700 \times 3}{36} = 225$ $\rArr$ $x=\sqrt{225}=15$ mm.