Zgjidhja e ushtrimit 10

Dy këndet e bazës së trekëndëshit dybrinjënjëshëm të ngjyrosur me gri janë të barabartë, ndaj të dyja i shënojmë me $x$. Shuma e tre këndeve brenda trekëndëshit do jetë e barabartë me $x+x+50\degree = 180\degree$, që na nxjerr se $2x=130\degree \rArr x=65\degree$. Ky i fundit, bashkë me këndin $y$ që na kërkon problema, formon këndin e brendshëm të gjashtëkëndëshit në figurë. Masa e këndit të brendshëm të një gjashtëkëndëshi e ka vlerën $\dfrac{(6-2) \times 180\degree}{6} = \dfrac{4 \times 180\degree}{6} = \dfrac{720\degree}{6} = 120\degree$. Tani themi se $65\degree + y= 120\degree \rArr y=55\degree$.