Zgjidhja e ushtrimit 4

Nga rezultati i mesores mund të themi se numri i tretë (meqë janë pesë numra gjithsej) e ka vlerën 3.5. Ndaj do kishim:

$a, b, 3.5, c, d$

Njëra prej vlerave të panjohura më lart do ishte numri $-2.6$ që na ka dhënë problema, por nuk jemi të sigurt ku deri tani. Një tjetër e dhënë që na jep problema është moda $4.1$, që do të thotë se numri $4.1$ përmendet më shpesh në listën e numrave. Meqë dy numra i dimë me siguri, atëherë mund të themi se të paktën dy të tjerë e kanë vlerën $4.1$. Ndaj deri tani do kishim numrat $-2.6, 3.5, 4.1, 4.1$ dhe një numër të panjohur (që mund të jetë $4.1$).

Për ta gjetur na duhet të përdorim të dhënën tjetër që jep problema: amplituda $7.2$. Kjo do të thotë se ndryshesa midis numrit më të madhe dhe atij më të vogël në listën tonë e ka vlerën $7.2$. Nëse do e kishim marrë dhe vlerën e numrit të fundit $4.1$, atëherë numri më i madh në listën tonë do ishte $4.1$ dhe ai më i vogli do ishte $-2.6$, por kjo ndryshesë do jepte $4.1 - (-2.6) = 4.1+2.6=6.7$, që nuk është sa vlera, ndaj themi me siguri se numri i panjohur nuk është $4.1$, por do ishte një numër akoma më i vogël, dhe kishim një renditje të tillë:

$a, -2.6,3.5,4.1,4.1$

Kini parasysh se numri i mbetur nuk mund të jetë numri më i madh në listë pasi do prishte renditjen dhe mesorja nuk do ishte më $3.5$.

Tani themi se $4.1-a=7.2 \rArr a=4.1-7.2=-3.1$. Renditja përfundimtare do ishte $-3.1, -2.6, 3.5, 4.1, 4.1$.