Zgjidhja e ushtrimit 7

Përpiqemi të gjejmë se sa sektorë ka secila ngjyrë nga rezultatet e eksperimentit. Aq herë sa ka rënë shigjeta në një prej ngjyrave e pjesëtojmë me totalin e rrotullimeve dhe e shumëzojmë me numrin e sektorëve gjithsej. Pra, për sektorët e bardhë kemi $17 \div 80 \times 19 = 4.0375$; për sektorët e zinj kemi $32 \div 80 \times 19 = 7.6$; dhe për sektorët e bardhë kemi $31 \div 80 \times 19 = 7.3625$.

Kërkesa na thotë se numri i sektorëve të zinj është i barabartë me ata të kuq, ndaj nëse themi se ruleta ka 4 sektorë të bardhë, atëherë të zinj dhe të kuq do ishin $19 - 4 = 15 \div 2 = 7.5$, por nuk mund të kemi nga gjysmë sektorë, kështu që sektorë të bardhë mund të jenë 3 ose 5 (që janë numrat më afër 4.0375 që ja doli nga probabiliteti më lart).

Po të kemi 3 sektorë të bardhë, probabiliteti do na thoshte se mundësia që të bjeri shigjeta në një sektor të bardhë do ishte $\dfrac{3}{19} \times 100 \approx 15.8$%. Ndërsa në eksperimentin e Inës, shigjeta ka rënë $\dfrac{17}{80} \times 100 = 21.3$% të rasteve. Po të kemi 5 sektorë të bardhë, probabiliteti do na thoshte se mundësia që të bjeri shigjeta në një sektor të bardhë do ishte $\dfrac{5}{19} \times 100 = 26.3$%, ndërsa në eksperimentin e Inës shigjeta ka rënë 21.3% të rasteve.

Në rastin e parë do thonim se ruleta favorizon më shumë sektorët e tjerë dhe është kundër ngjyrës së bardhë, ndërsa në rastin e dytë e favorizon ngjyrën e bardhë. Sidoqoftë, prej këtij arsyetimi mund të themi se ruleta nuk është e rregullt, ose do duhen më shumë rrotullime që të nxjerrim një rezultat më të saktë.