Zgjidhja e ushtrimit 4

Rruga që ndjek një delfin që kërcen nga uji në ajër modelohet me anë të ekuacioneve të mëposhtme parametrike:

$x = 2t \text{ m}, \quad y = -4.9t^2 + 10t \text{ m}$

ku me $x$ shënohet distanca (në metra) e përshkuar nga delfini në drejtim horizontal i matur nga momenti që shkëputet nga uji dhe me $y$ distanca (në metra) e përshkuar në drejtim vertikal nga momenti që shkëputet nga uji dhe me $t$ koha në sekonda menjëherë pasi delfini fillon të kërcejë.

1. Gjej kohën që i nevojitet delfinit për të realizuar një kërcim të plotë.
2. Gjej distancën e përshkuar në drejtim horizontal nga momenti që kërcen deri në momentin që kryen një kërcim të plotë.
3. Trego se rruga që përshkon delfini modelohet nga një vijë kuadratike.
4. Gjej distancën maksimale të përshkuar nga delfini në drejtim vertikal.